Hasierako eguraldi petrala albora batera
itzita, gaurkoan eguzkiak lagundu gaitu egun osoan zehar. Kanpoan ekintzak
egiteko giro ezin hobea izan dogu gaur Eginon!
5.maila
Gure txikitxoenak artzain eguna izan
dabe. Egun osoan zehar, lanbide honi buruzko ekintzak egin dabez. Goizean,
Eginoko artzaien ezinbesteko laguntzarekin, taldeka banaturik, gaztaren
prozesua gertutik ezagutzeko aukera izan dabe.
Arratsaldean aldiz, ardi eta
txakur mozorroak egin eta askariak eskainitako indarraz baliatuz, artzain
txapelketa egin dabe aterpetxeko landa zabalean. Afaltzeko txitxiburduntzi egin dabe leku berean.
Gaubelari dagokionez, artzai egunari
amaiera emoteko, basora joan dira eta bertan “Kontuz otsoarekin!” izeneko
jolasean aritu dira.
6.maila
6.mailakoek goizean naturari probetxua
atara deutsoe. Izan ere, batzuk eskaladaz gozatu daben bitartean, beste batzuk,
hainbat natur ekintza egin dabez. Eta alderantziz. Aipagarria da eskaladan egin
bitartean, ingelesean aritu dirala. Goiz konpletua!
Arratsaldean ordea, atzerriko hizkuntzarekin
jarraituta, txalinpiadak eta ur gynkana egin dabez. Beroari aurre egiteko modu
paregabea izan da.
Gauean euren orientazioa frogan jarri eta
orienting ekintza egin dabe.
DBH
1go maila
Nagusienei dagokienez, goizean walkie-ra
jolastu dabe. Bi taldetan banatu eta mapa eskuetan dabela, talde batak bestea
aurkitu behar izan dau. Horretarako, walkietaz baliatuz, elkarri informazioa
emon deutsie.
Arratsaldean, Eginotik oso hurbil dagoan
Lezeko koban bainatu dira. Lezen bai ondo! Bainu freskagarriaren ondoren, euren
oreka landuz, slackline frogatzen ibili dira.
Eguna erritmoz agurtzeko, gaubelan zumba
saioa izan dabe. Bertan, gure neskak abilezia ikaragarriak erakutsi deuskuez.
iruzkinik ez:
Argitaratu iruzkina