ASTE OSOAN EGIN
DUGUN BEZALA, GAUR ERE GOGOTSU ARITU GARA ETA EKINTZETAZ ASKO GOSATU DUGU,
EGURALDIA ERE GURE ALDE EGON DA!!!
5.MAILA
Etxeko txikiak
goiza eskalatzen eta natur ekintzan oinarritutako jolasetan ibili dira.
Naturarekiko kontaktu zuzena izanik, pixkanaka naturari beharrezko jakon
errespetua lantzen ari gara.
Arratsaldeari
dagokionez, Eginon bertan, orienting-a egin dabe. Kasu honetan, orienting hau
eurak sortua da. Bi atal daukaz, batetik, eurek mapa sortzen dabe herriko gauza
esanguratsuenak adieraziz eta aldi berean, mapa horretan markatuta dagozan
pistak ere eurak sortzen dabez. Behin hori guztia eraikita, bigarren faseari
hasiera emoten jako. Azken horretan, mapak trukatu eta talde batek bestearen
pistak aurkitu behar dauz mapa ulertuz.
Arratsalde osoa,
alegia, 4 orduz, ingelesez aritu dira. Orienting-a dala kontutan izanik,
norabideak, aginduak, herriko eraikin nagusienak, besteak beste ingelesez
adierazten eta helarazten ikasi dabe gaurkoan.
Gauean, egunari
erritmoz amaiera emoteko, aerobic eta euskal dantzak landu dabez. Gaueko
ekintza ere ingelesez gidatu da. Saio honetan ordea, gorputz atalak eta baita
norabideak ere landu dira.
6. MAILA
Kamiseta zuriak jantzi, margo poteak, komuneko
paperak eta baldeak harturik, goizean, mendira joan dira paintball egitera. Zikin etorri badira ere, ekintzarekin
asko disfrutatu dabe!
Arratsaldean, eguraldia aprobetxatzen
jarraituz, eskalada eta Lezen bainua izan dabe. 5.mailakoek egin daben moduan,
horrek ere, ingeles hutsean aritu dira arratsalde osoan zehar.
Gaubelako ekintza “danborraren jolasa” izan
da. Jolas honetan, monitore bat basoan ezkutatu eta talde osoak entzumenari
jarraituz hau aurkitzen saiatzen da.
D.B.H. 1go MAILA
Nagusienak, goizeko
ekintza 5. mailakoekin batera egin dabe. Hau da, paintball-era jolastu dabe
ingelesean arituz. Arratsaldean ordea, igerilekuan beroari aurre egiten egon
dira. Izan ere, gauean Albenizen lo egiten agurtu doguz eta hurrengo egun osoa
etxetik kanpo ibiliko diranez, arratsaldeko lasaitasuna gustura hartu dabe.
Sentitzen dogu baina gaurkoan arazoak izan doguz argazkiak biltzerako orduan. Parkatu eragozpenak, biharko eguneratzean jarriko doguz zuen eskura.
iruzkinik ez:
Argitaratu iruzkina