2.eguna!!

Goizeko lehen ordutik eguraldi paregabea izan dogu gaurkoan Eginon. Aitzakia ezin hobea mendira txangoak zein kirola egiteko.

5.maila

Txikiak goizetik irten dira mendi aldera, zehazki Baiora. Bertaraino heltzeko ordea, bidean pista batzuk aurkitu eta hainbat froga dibertigarri egin dabez. Behin kantuan helmugaraino helduta, itzaletan bazkari goxoa izan dabe zain. Arratsaldean ordea, bertatik gertu dagoan Iguaraneko koba bisitatzera joan dira. Han bai freskura! Bisitarekin amaituta, etxera bueltako bideari ekin deutsie. 

Merezitako dutxa eta afaldu ostean, gaubelan zientziaren txokoaren baitan, xaboia zelan egin ikasi eta egin ere egin dabe.

6.maila

Ertainek ordea, egun osoko irteera luzea eduki dabe. Goizean goizetik hasita, mendiz mendi joan dira Nacederora heldu arte. Bertan ibai baten sorrera ikusteko aukera izan dabe. Gauean, kanpin dendak jarri eta izarren azpian abesten ibili ondoren, lotara joan dira.

DBH 1go maila

Gure beteranoak goizean basoan barrena “basotxo” izeneko kobara joan dira. Bertan, kobaren misterioak bizitzeko aukera paregabea izan dabe, eguneko beroaz ezkutatzeko egoera ezin hobea. 

Arratsaldean, naturaz gozatzen jarraitu dabe, kirola eginez, hain zuzen ere eskaladan aritu dira gure neskak. 

Egun neketsuaren ostean, eguna amaitzeko, ingelesezko pelikula bat ikusi eta landu dabe.

*Oharra: arazoak dekoguz interneteko konekzioarekin, barkatu eragozpenak. Argazkiak igotzea ez da posible izan, bihar egunean zehar lehenengo bi egunetako argazkiak izango dozuez ikusgai. Berriro ere, barkatu eragozpenak.